Kowloon East Kitchen (已結業)

2月中去左观塘整野，整完就问下老板附近有冇咩西餐厅介绍，根据佢既点路指示，我地终于摸左阵先揾到呢间餐厅。门口位置装修得唔错，入到去有高台同正常台坐，而且地方都几大下，灯光较暗，好relax，同情人或知己黎都几有feel。先黎一份面包，份面包应该系有点野食既都会有挂~有少少蕃茄，包身软身，因为我中意硬包，所以呢款包就唔系咁岩我口味了。之后就系我地单点既是日餐汤，冇错，呢到冇set dinner，所有野都要单点。冇记错的话，系薯仔汤，味道唔错。再黎就系我点既蛋黄酱烟肉粒阔条面，wow~劲多汁，落左好多蕃茄去煮，除左大蕃茄外，重有蕃茄仔添。d烟肉粒好似炸过，好香口，有d似烧肉层皮既香味咁。条面偏硬身，正合我口味而男友点既系蒜香蚬肉意粉，入口好香蒜味，加上有少少辣味，好正。而且蚬肉怎多，意粉亦系偏硬身，正。实际食左几蚊唔记得了，但一个面好似一百蚊左右，汤就好似系廿几咁上下。