王家沙 (已結業)

放工到这间位于又一城的王家沙试一试，发现水准唔差，叫左醉嘉美鸡同水晶肴肉，好好味，可能我自己钟意食醉鸡，今次食到冻既口味，发现都唔错！另外水晶肴肉好味，同出面食既味道差唔多，但佢既肉比较实d，同埋无咁咸。仲叫左王家沙牛肉饼，依个系本人推介！！出面食既通常都系好多油好咸好浓味，依个系好入味，好有肉汁，唔会太油腻，开头一睇觉得都系同出面食个d一样，一食落去就系第二个感觉，好意外。之后叫左龙井茶皇BB鸽，无乜特别，但都好味。仲有嫩鸡煨面，汤同鸡都好味，缺陷在面本身，太淋啦。最后叫左姜汁鸳鸯汤丸，以为一色一样，同朋友一人拣左一粒，拣左粒芝麻，朋友既系豆沙，芝麻好好味呀！唔系糖水舖同超级市场买黎自己整既味道，好足料，好满意，同依餐饭画上完美既句号。总括黎讲，所有野都好味，要有特色既都做得到，要有出面都有既水准都做到，系个面要改一改，希望下次会睇到进步，加油！