咖啡弄 (已結業)

今日同女友食晚餐， 佢最钟意台式卡飞， 于是就拣咗咖啡弄。虽然系星期日但系都唔系太多人。亦可能热潮已过。 餐厅位置系一楼。总汇三文治好抵食， 大大份 ，里面有烧鸡，好嘢未。 里面嘅生菜同番茄都好新鲜。 系好食、 质素高 嘅公司三文治。餐厅规定每个人要叫一杯嘢饮， 我就嗌咗先个鲜果冰茶， 女友就嗌咗Oreo沙冰。鲜果冰茶卖相唔错, 但太甜， 所以要扣分。沙冰就整得好好，唔会好甜， 味道好 丰富， 可能由于我钟意食曲奇嘅关系。最后嗌咗一份朱古力香蕉松饼， 松饼热辣辣， 有蛋糕香味。 香蕉上边有朱古力雪糕筒朱古力酱， 两者嘅味道加埋好夹。总括嚟讲都值得来因为唔使排队环境几舒适， 但音乐有啲嘈。