大麥牛肉麵 (已結業)

今天路经西环，行下行下见到有间小店，就入咗去试下。一入去老板娘带我地坐低，然后好有心咁逐样介绍有咩招牌菜。老板娘话饭同面都正！今日想食下面，所以就同朋友分别叫咗一个招牌红烧牛肉面，同埋招牌红烧牛肉荞麦面。另外仲叫咗两份小食，一个系豆腐皮蛋，另外一个系卤水拼盘。之后老板娘话一定要试埋个酸梅汤，我问佢可唔可以要暖既，佢都话可以呀。落完order, 啲野食好快就上到。首先系上咗个酸梅汤先。酸酸甜甜，好开胃呀！然后就陆续上咗豆腐，拼盘同埋两个面。等咗都只系十分钟唔够。啲野食好足份量，味道都唔错。食食下，可能附近近港大，有外国人入嚟食，老板娘都可以用英文对答到。整体嚟讲可以一试！