鮨味一番 (已結業)

之前食其他地方嘅寿司，啲饭唔系太酸就系好小醋味，呢间小店我食过好几次，每次都会点寿司，每次食都觉得佢哋啲鱼生好新鲜，啲饭沟醋嘅比例好恰当，唔会太酸但又食到醋味，真心正👍🏻金菇牛肉卷系我至爱之一，我每次都会order,另外，七味软壳蟹嘅好味程度对我嚟讲真系冇得输，亦系每次必落order之一，另外试咗个流心芝士黑松露蛋，呢个都好食到唔识形容，但呢个唔系餐牌内有嘅，咁啱𠮶日老板研究中所以我先有机会食到😆想食就要睇老板得唔得闲整件你试试。不过小店得两个人做嘢，有时如果太多order做唔切可能要等半个钟以上先到你嘅order，通常老板娘都会讲定比你知大概等几耐先有得拎，但我唔赶时间唔怕等等嘅😋我呢次因为系堂食，所以一路食一路等就唔觉等好耐，如果有兴趣外卖可以打去落定单，咁可以等小啲😉