牛肉拉麵 (已結業)

朋友介绍，讲到食兰州拉面，呢一间店舖，一定要来！门口细细，冇华丽嘅装修，坐低之后，老板娘亲自煮面，等咗一阵间之后，面到了，一食之后，发觉个面果然与别不同！朋友话，啲面系老板亲自用面粉拉的！所以讲真，食落真系特别有口感，弹牙！由于系用自制面粉搓，所以基本上同出边食开嘅拉面，根本系冇得比！ 我叫嘅系捞面，所以亦都要讲求「捞」工，确保所有面都真系「捞」得好好！食开捞面嘅人就知道，如果你走去第二度嗌碗捞面，基本上系一碗面飞咗水之后，加啲豉油或者蚝油叫你自己捞。情况系点，你估到！呢度，净系食老板娘既捞工已经冇得输！爱心爆棚！经济实惠！抵食夹大件！仲有得免费加底！你话真系边度揾？