老長沙湘菜館

营业中

休息中

今日又系西营盘周围睇吓有啲咩可以食，系水街就发现左一间几特别既舖头，就系「老长沙湘菜馆」；舖内位置阔落，食客络绎不绝，幸好只系等左一阵就可以入去坐低食；叫得湘菜馆就当然系以辣味菜色为主，由于今日只系两个人行街，所以就只系叫左几道常食既小菜黎试一试，分别系：千锅千叶豆腐，串串虾，湖南酱板鸭，手拍青瓜同埋两道甜品红糖糍粑同埋酒酿丸子(2人份量)，结果D食物黎到时，就后悔叫得太多了，食物份量足足系4人份！！幸好店员最后都有提供外卖盒俾我地拎走食用，所以先无浪费千锅千叶豆腐食落既口感一流，除左辣味适中，口感亦值得称赞！QQ弹弹！串串虾味道不错，而且系软壳虾，厨师亦处理左虾头部份，基本上可以连壳一齐食用!而湖南酱板鸭就味道浓厚有烟韧嚼劲；最意外既系手拍青瓜，原本以为系开胃菜色，辣度应该较为温和，结果出乎意料之外，愈食愈起劲。幸好最后有两道甜品红糖糍粑同埋酒酿丸子，降降温；糍粑松脆，配埋红糖烟韧可口，另外酒酿丸子除了好食外，亦都令我有少少惊讶，因为2人份量足足系平时其他食店既6人份量。总括而言，下次需要带多2位朋友来试试招牌烤鱼。