BRICK LANE (圍方)

营业中

休息中

Brick Lane是一间英式餐厅，一直想试，刚好去逛围方，终于有机会试下。餐厅布置有少少英式酒吧嘅感觉。我哋两个人坐喺埋边，有时难啲揾侍应，收碟亦较慢，缺人手呢个似乎系香港食肆嘅共通困难😓。餐厅有Dinner set，唔多啱心水，所以选择自己点。要左炸鱼薯条、蟹肉牛油果沙律、啤酒罐烧鸡，最后再加上甜品混乱伊顿。蟹肉牛油果沙律🥑🥗一般餐厅嘅沙律系酸酸地，但呢度嘅蟹肉牛油果沙律系咸嘅，好特别。份量吾算好多，两个人食刚好。炸鱼薯条🐟🍟英国出名嘅菜式，炸鱼外表脆香，里面鱼几滑，薯条粗身，轻轻炸，口感刚好，唔会太硬。啤酒罐烧鸡🍗攞出嚟时表皮未烧，碟上放啤酒罐，上面放整只鸡，在枱上点火烧。只鸡吾大。著晒火咁烧，烧完就攞返入厨房切，再攞返出嚟口口。味道相对淡，唔知同我吾食皮有冇联系。甜品🍧混乱伊顿睇openrice，谂住喺个蛋包球，里面有雪糕。觉得特别，所以就叫，点知嚟到系一个玻璃杯装住，一层层咁，同之前嘅相完全吾同。整体来说，味道吾错，环境舒服。