小曼谷海鮮燒烤屋

营业中

休息中

九龙城最出名就系泰国餐厅, 唔想行去食, 唯有出动外卖送递, 安坐家中享受泰国美食。🥢黄咖哩海鲜黄咖哩比较重椰奶味道, 偏甜, 稀杰适中, 同泰式蒜蓉包真系好夹。配上不同海鲜, 包括带子, 虾, 鱿鱼, 青口。海鲜虽然是冰鲜, 但唔会有重重嘅雪味, 煮得刚好, 所以软硬适中。🥢泰式蒜蓉包大大块嘅蒜蓉包, 面层舖满新鲜蒜蓉粒, 香脆可口, 用嚟蘸咖哩汁, 真系好好食! 相信现场食应该更脆。🥢风味烧猪颈肉猪颈肉烧得好香, 肉质软腍, 充满肉香。份量亦十分之大份。🥢香叶辣椒猪肉炒饭呢个炒饭绝对适合钟意食辣嘅人食, 因为真系好辣! 炒饭炒得好香, 粒粒分明, 放入口每啖都会有猪肉碎同豆粒, 好食!整体食物都好出色, 不过价钱偏贵, 一定会再食, 不过就唔可以食得太密。