餃掂手工餃子雲吞專門店

今日晚上唔想食饭，谂谂下男朋友就提议食饺子🥟🤭👍🏻 一野就谂起呢间饺掂，因为好味，所以翻食过好多次。疫情前，铺头会长期放一樽酸萝卜系度俾人任食；宜家就要问佢地先有，仲要得番一碟仔（不过都好过无）粟米猪肉饺 ($56)因为要share食，所以叫左10只汤饺。我每次食饺掂几乎都系叫粟米猪肉饺，因为d粟米🌽又爽又甜，配埋猪肉馅系正既。不过最正系个汤底，叫状元九鼎汤。用苹果、无花果、鱼、淮山、猪尾骨煲成，甜甜地好易入口，我次次都饮哂。云吞汤面12只 ($50)因为我唔太食得辣，所以叫左少辣，辣度对我黎讲岩岩好。云吞比饺子细粒好多，同埋面一齐食，每一啖都可以食一粒云吞😇