古今二 (The ONE)

营业中

休息中

放假去咗尖沙咀行街，行到攰攰地系商场见到一间食日式串烧同特色卷物嘅餐厅几吸引，就胆粗粗入咗去试下。餐厅唔系好大，但环境都OK，当日被安排坐系卡位，坐得都几舒服。✨杂锦刺身沙律沙律大大碗，用料非常丰富，有角切吞拿鱼、角切三文鱼、角切剑鱼、三文鱼籽、蟹籽、车厘茄和生菜等配料，配上微辣嘅酱汁食落都几开胃。✨超级龙卷风有鳗鱼、海老、芝士、青瓜和脆片等配料做嘅卷物，每件都好大旧，海老炸得够脆，用料丰富，每食一啖都充满层次感。芝士嘅咸味加埋甜甜地嘅酱汁食落好惹味。✨樱花虾原条茄子烧大量嘅樱花虾铺满在茄子上，上菜时都闻到樱花虾味道香气四溢，茄子冇烧到好干，仲可以保留到香甜嘅水份，加埋香浓咸香嘅味道食落非常惹味。✨黑豚猪颈肉串烧黑豚猪颈肉食落爽口又多汁，烧得啱啱好完全唔干。✨鹿儿岛黑豚荔枝卷串烧外层嘅鹿儿岛黑豚肉肉味香浓又Juicy，包系入面嘅荔枝仍保留到荔枝嘅水份，香甜爆多汁，配黑豚肉食好夹完全唔觉得腻👍串烧、卷物、沙律、茄子样样都好好味，绝对值得我再二访。