T's Kitchen (已搬遷) 新店位置

之前都无写食评既习惯，但系我觉得T’s Kitchen真系好值得推荐比其他人，所以写左我第一篇既食评!男朋友生日，谂左好耐去边到食饭，之后朋友介绍我去T’s Kitchen，佢话之前同男朋友庆祝都系泥lee到，环境同食物都好ok!佢讲到咁吸引，就决定去试下，去到既时候，我男朋友就问我点解识揾lee到，我已经知我无揾错地方，果到环境真系好好，有pool table，又有个大露台!野食方面，当然都好好，连我男朋友食野咁讲究，佢都话好好香!讲番d野食，Appetizer系鹅肝with沙律，个鹅肝超好食，入口即溶，同埋佢既做法好别，令到件鹅肝好!跟住汤系龙虾汤，好香龙虾味，男朋友话lee个汤算佢佢饮过有水准之一!之后上既系Mushroom Risotto，好香黑松露味，超爱!到Main Course啦，我男朋友拣左牛柳，已我唔食牛既就拣左龙虾，龙虾啖啖肉，好味，男朋友话个牛柳好嫰好好味!最后既甜品系Tiramisu，唔重酒味，岩晒我，同埋因为之前讲明系庆祝生日，餐厅帮我系甜品上面食左Happy Birthday同我男朋友讲名!真系好满足既一餐，男朋友话有机会要再泥!