法國飯店

营业中

休息中

一入门口,感觉已经好好,因为当日太热, 所以无坐露天位。睇左十几分钟餐牌都未决定到食乜(因为样样都想食)，突然有一位应该系老板娘o既女仕问我地系唔系唔知食乜好, 咁佢就介绍左个烟鳗鱼仔, 之后唔知食咩生蚝好. 又有侍应逐样介绍。最后order左四只蚝, 烟三文鱼凯撒沙律, 烟鳗鱼仔, 忌廉汤, 烧鸭胸配胡椒汁, 同埋烧银鳕鱼。蚝好新鲜, 好香好有鲜味。烟鳗鱼仔好特别, 味好浓好香, 爽口, 一咬落去就唧晒d鱼油出黎, 不过怕肥就唔好食喇。鸭胸平时食开烟o既, 所以觉得今次呢个鸭o既香味特别重, 原汁原味。烧银鳕鱼亦非常甘香。份量方面都唔算少。环境唔嘈, 倾计一流。有机会一定会再去试埋其他野食。