影片
更多
2011-01-07
108 浏览
睇过电视节目『和味苏』后慕名以来，知道会多人，所以六点松啲就到达，亦刚好有枱唔驶等！老远已经见到呢个标记...嚟到至发现原来间舖咁鬼细，里面得𠮶三张枱，顶晒笼坐12人咁上下....，所以坐街机会绝大。坐低之后完全冇人招呼...，可能系准备晚饭市，我哋都唔理三七廿一，揾张枱自己坐低先，周围望揾唔到𠮶餐牌，原来好求其咁摆咗喺舖头出面𠮶地下度...讲得慕名以来，咁就梗系叫食呢个出晒名嘅『咸蛋肉饼』同埋『口水鸡』喇，虽然只系两个人，但系远道而来，所以叫多个『鲜带子豆腐』。咸蛋肉饼：的确系好食嘅，女友就赞口不绝，我就冇乜惊喜，原因系我亚妈都可以煮到咁嘅水准，当然，一般饭店就冇呢度整得咁好食，唔钟意食肥猪肉嘅朋友就差啲，因为肉饼有唔少肥猪肉，但冇咗呢啲肥猪肉又冇咁好食㖞。口水鸡：冻食，味道ok喇，都咪话唔辣，琴晚得十几度，如果天口热食呢味𩠌就合适啲。鲜带子豆腐：亦都系ok，豆腐唔够滑，但整体唔错。总结：以晚饭嚟讲算唔错啰，起码唔会食都一肚火，𩠌菜选择唔多，食饭期间已经发觉有十几廿人排紧队，所以真系要早啲到。如果去开铜锣湾、天后𠮶边，我应该再会帮亲。有样嘢要提下，就系𠮶度清茶都冇杯，如果要饮就要俾钱
老远已经见到呢个标记...
嚟到至发现原来间舖咁鬼细，里面得𠮶三张枱，顶晒笼坐12人咁上下....，所以坐街机会绝大。坐低之后完全冇人招呼...，可能系准备晚饭市，我哋都唔理三七廿一，揾张枱自己坐低先，周围望揾唔到𠮶餐牌，原来好求其咁摆咗喺舖头出面𠮶地下度...
讲得慕名以来，咁就梗系叫食呢个出晒名嘅『咸蛋肉饼』同埋『口水鸡』喇，虽然只系两个人，但系远道而来，所以叫多个『鲜带子豆腐』。
咸蛋肉饼：的确系好食嘅，女友就赞口不绝，我就冇乜惊喜，原因系我亚妈都可以煮到咁嘅水准，当然，一般饭店就冇呢度整得咁好食，唔钟意食肥猪肉嘅朋友就差啲，因为肉饼有唔少肥猪肉，但冇咗呢啲肥猪肉又冇咁好食㖞。口水鸡：冻食，味道ok喇，都咪话唔辣，琴晚得十几度，如果天口热食呢味𩠌就合适啲。
鲜带子豆腐：亦都系ok，豆腐唔够滑，但整体唔错。
总结：以晚饭嚟讲算唔错啰，起码唔会食都一肚火，𩠌菜选择唔多，食饭期间已经发觉有十几廿人排紧队，所以真系要早啲到。如果去开铜锣湾、天后𠮶边，我应该再会帮亲。有样嘢要提下，就系𠮶度清茶都冇杯，如果要饮就要俾钱....
张贴
