九份•十分 (河畔花園) (已結業)

今日同朋友入沙田揾朋友，临走前见到间九份十分，佢个名已经吸引左我，事缘我个人都几中意去台湾，见未食晏又热，就同朋友去呢间餐厅食午餐。因为今日太热，一入去即刻睇饮品餐单。炎炎夏日之下，我地叫左个综合水果茶。呢个水果茶有几种水果，令我惊喜既系水果大部分都甜甜地，水果茶同茶融合埋一齐，酸酸甜甜，好开胃，食完饮佢就开胃，食饱饮佢就消滞。（好押韵😂因为系午餐时间，都饿饿地，所以叫左个红烧牛肉面（幼面）。汤底够浓味，个面好足料，牛肉、牛腩都系大大旧，牛肉肉质都算松软。红萝卜、白萝卜、菜浸住系汤到所以都几入味，我同朋友两个share食，觉得岩岩好，唔会太多或太少。小食方面，叫左个老虎酱鸭舌，因为我本身都偏爱辣味，个鸭舌又香又辣，个辣味有小小后劲，肉质都属于有嚼劲，如果中意食辣，呢个必叫！！第二道小菜我叫左个皮蛋豆腐!!呢碟皮蛋豆腐我要用软嫩鲜滑来形容，我第一次食呢道菜，豆腐入口即化，真系好滑。皮蛋味较重，豆腐有香豆味，两样食材放埋一齐食落肚，冰冰凉凉，又系开胃小菜之选。 虽然食左好多小菜同饭面，但你知女人系有两个胃嫁嘛，系餐单见到呢个茫果蜜糖砖块已经好想食，点知甜品一来，同张相系一嫁，望见个甜品咁色