泰斗

营业中

休息中

今日黎到元朗食泰国菜，呢间泰斗系位于元朗既独立屋，空间超大超靓，入面既装修够哂华丽，好啱同一大班亲戚朋友系到聚餐！✨咖哩老虎虾每一碟都有三只大过手掌既老虎虾，个头好肥好大。老虎虾外层炸得好香脆，连壳都食得。每只都有啖啖肉好新鲜。咖哩酱有浓郁既椰汁香味，配上薄饼真系好正！如果你系咖哩控，咁呢碟菜绝对唔会让你失望嘅！✨泰式烧牛肉沙律牛肉既份量好多，肉质鲜嫩多汁，烧得恰到好处，每啖都有啲少许既焦香味，夹住蔬菜、番茄、洋葱、西芹等配菜一齐嚟食，口感爽脆，真系让人一试爱上。而个汁酸酸甜甜又带少少咸香辣味，令人胃口大开。系一道好食嘅凉拌菜！✨大头虾冬荫功个汤既味道好香好辣，因为加左香茅、柠檬叶、姜等等香料，配合埋辣椒同鱼露，令啲辣味唔会刺鼻，而系令人上口，又有种燥燥嘅感觉。再尝尝汤底，真系啖落都几鲜甜，而啲大头虾就更加鲜甜，肉质干爽有嚼劲，唔会过熟，味道好香，咬落去都好多汁。✨芒果糯米饭一上碟已经觉得好靓！佢既糯米饭色泽好靓，咬落去口感亦都唔一样，啲糯米全身都系Q弹嘅，唔系好黏口，而芒果嘅香味令得啲糯米饭更加芳香。同埋芒果都好成熟，食落鲜甜多汁，啖啖香甜，配埋少少咸既椰汁，真系一流！