鳩戟

营业中

休息中

好耐冇去葵广，今日去过开去，想食甜品就去咗呢间梳乎厘班戟店，呢间梳乎厘班戟开咗喺葵广二楼, 梳乎厘班戟有几款口味可以选择，同埋可以选择要几多件。呢间舖头的梳乎厘班戟畀出边抵食，出面买90几或过百蚊嘅梳乎厘呢度28蚊就可以食到。今次我叫咗三重朱古力(两件)，大约等咗十分钟就有得食都算快手。 铺头仲有卖茶饮， 但今次冇试到留返下次再试。三重朱古力两件，店员会在班戟表面用火枪烧出焦糖， 之后再洒上oreo饼碎然后再落一啲朱古力浆落去。 梳乎厘口感软绵绵微湿，都做得到空气感觉，虽然蛋味唔算好浓，但依个价钱食到呢个质数，绝对抵食。而配送的雪糕个人觉得唔太甜，味道几好。