目利きの銀次 (已結業)

好朋友同我补祝生日，因为之前同事试过呢间冲绳料理话唔错，所以叫左朋友订定位去试下。由于系订枱的关系，所以唔洗等就有得入去了。先来一个炭烧烟肉生菜沙律。呢个沙律未切开之前好似一个生菜咁，正当我同朋友都好迷茫唔知点样落刀𠮶阵，靓女经理主动行左过来帮我地切开佢。今时今日咁既服务态度真系值得一赞!味道方面，炭烧烟肉、生菜、温泉蛋同沙律酱好夹，值得推介!来食日本菜，唔叫刺身好似对唔住自己咁，所以我就老实唔客气，叫左个最贵的特上刺身拼盘(2-4人)。正所谓一分钱一分货，来的梗系唔系三文鱼咁简单啦，里面有薄切鲷鱼、响螺、鲣鱼、金目鲷同赤鯥鱼。我同朋友都最爱个薄切鲷鱼，因为真系好鲜甜;响螺又爽口又唔腥;其他刺身都唔错。食完之后就来左个炭烧拼盘(6串)。其实叫呢道菜的目的系贪佢样样都有，可以样样都试下。作为食肉兽的我，竟然最爱番茄烟肉串，可能系贪佢够fresh够juice挂。其他串烧味道都唔错，唯一觉得鹌鹑蛋再加多少少汁会好味啲。之后来的系海胆汁烧蚝，又系值得推介的一道菜。平时食海胆同蚝，多数都系就咁生食，估唔到熟食别有一番风味。就连下面垫底的菠菜，都因为个海胆汁变得好好味，最后就梗系俾我地扫哂落肚度啦