千代鶴

营业中

休息中

今日家姐嚟铜锣湾睇我，就带佢嚟呢家餐厅食日本野，食完之后我同家姐都觉得唔错。首先系日本南瓜，外面被烧到带啲点焦，但系食进口就觉得软糯香甜。然后系松叶蟹温泉蛋沙律，精心剔出嘅蟹肉软嫩多汁，铺喺生菜上，再加上温泉蛋，视觉同埋味觉都系扑面而嚟嘅清爽。海老春卷外皮薄薄脆脆，内馅丰富多汁，虾香满口，都几好味。七味鱼翅系日式居酒屋嘅经典下酒菜，烤过嘅鳐鱼翅散发着清香，脆脆嘅口感裹上一层香甜浓厚嘅美乃滋，越食越香。接下嚟系鸡翼串，越系简单嘅食物越考验厨师嘅功底，但系呢个鸡翼烧得外皮酥脆，肉质柔嫩，味道亦唔差。最后系美国牛小排。牛小排切得厚薄有度，纹理清晰可见，经过高温炙烤之后肉香味更加浓郁，一入口就肉汁四溢，口感肥厚滑嫩，真系每一啖肉都回味无穷。