一遊

营业中

休息中

朋友聚餐，今次再次拣左一游，之前试过尖沙咀分店，很不错，今次试下湾仔分店，餐厅装潢都系日本居酒屋风格，环境舒适。我哋一共叫咗六款野食，分别白身鱼薄片、海老加州卷、串烧、和风卷、鲜蟹肉煮嘅豆腐同牛肉石头烧饭。白身鱼薄片刺身新鲜，肉质晶莹剔透，再配上胡麻酱汁，味道鲜甜可口。海老加州卷加州卷外层有蟹籽，馅料内有新鲜牛油果、清脆嘅青瓜同大只炸虾，口感丰富，而且美味，好满足。串烧有牛舌、鳗鱼、鸡翼同脆瓜。牛舌爽口唔靭，烧到啱啱好，鳗鱼厚身肥美，鸡翼外脆内嫩，脆瓜好多汁，味道有惊喜。和风卷和风卷系呢间居酒屋名物，上次已经食过，今次再encore，薄薄嘅pancake皮包住牛油果、鳗鱼同飞鱼子，层次丰富，香气扑鼻。鲜蟹肉煮嘅豆腐豆腐好滑身，外皮炸得香脆，再蘸上一份甜甜嘅酱汁，好好味。牛肉石头烧饭牛肉份量同肉汁都几多，而且石锅热辣辣令到饭有饭焦，捞埋牛肉同肉汁，非常之美味。饮品方面，我哋叫咗生姜杏子酒同蜜桃梳打，都好饮。总括来讲，一游食物精致美味，环境舒适，系同朋友倾计嘅好地方，真系值得一来再来。