Involtini Italian Cuisine

营业中

休息中

Involtini 呢一间餐厅并唔容易book。今次既booking都系早一个月前于官网幸运book到，而都系较容易book到既午餐时段。当日入到餐厅好快就安排比入座。餐厅环境亦都喺宽敞舒适。餐厅出名嘅菜式包括有红虾意粉🍝同埋Carbonara。不过午市套餐唔包括依两个选择，只好单点。今次叫咗午市套餐嘅一个扭扭意大利粉配意大利肠(Strozzapreti  Italian  sausage)。先来咗个餐前包，味道正常。加咗$38配左当日嘅餐汤，大蒜薯仔汤，粒粒薯仔蓉亦都几好咬口。Strozzapreti既意粉软硬程度刚刚好，适中烟韧嘅感觉，系午市套餐亦都系一个可以考虑嘅选择。Carbonara 既味道亦都好好，真材实料嘅感觉，并唔似得其他普通意粉店用罐头酱。店员介绍，蛋黄酱用咗纯鸡蛋黄去整，酱汁冻咗会变硬，所以要趁热食。整体来讲，今次食手工意粉嘅体验不错，值得再返嚟食过。临走前打算再book位，店员讲到平日嘅夜晚唔系太full。但个人喺官网上见到fully booked，建议大家可以试吓打电话去book。