大滿喜日本料理 (已結業)

一月份𠮶阵去左差唔多一个礼拜嘅印度，𠮶七日真系食不知味啊。每日净系喺度食唔同味道嘅咖喱同埋一啲都唔地道嘅中菜，𠮶七日真系好挂住新鲜嘅日本菜啊！所以一落到机就即刻book定可以俾我哋无限食嘅日本放题啦！打开OpenRice见到呢一间嘅日式放题评价唔错，而且𩠌菜嘅款式好多，所以就二话不说即刻落booking喇！𠮶日准时到咗之后等左好一阵间好快就可以入座，仲有得坐两个人嘅卡位添！感觉好宽敞好舒适！二话不说就梗系带叫咗新鲜嘅刺身先啦！我哋叫咗甜虾、不寄贝，螺片同埋最重要嘅三文鱼！真系新鲜到不得了呀！好鲜甜嘅味道！又厚切！而且每次佢嚟到嘅片数都系同order嘅一样！童叟无欺，唔似其他放题店黎到嘅片数都有落差。值得一提嘅系寿司质素非常一流！^_^个人十分推介盐烧左口鱼边同埋海胆酱大虾，同街外食几十蚊一件嘅寿司质素差唔多！十分抵食！另外呢间铺头值得欣赏嘅地方系有好多迷你版嘅甜品，适合一啲胃口细但系又想试好多种类嘅人。甜品嘅卖相细粒得嚟好精致，真系忍唔住食多几件。除此之外我个人最钟意食嘅炸物就系榴梿炸弹！我真系忍唔住order完又再order，总共食咗成四件咁多啊。总括而言，今次嘅放题令我十分满足，会