琦興餐廳

营业中

休息中

離晒譜勁好食囉。有炒蜆嘅雞煲真係第一次食。本身覺得啲重口味嘢應該唔啱自己。點知一食一口接着一口。隻雞好滑。本身唔食得辣，所以唔係叫咗好辣。同老細講聲就得啦。本身老闆同埋事頭婆都好後生。一路食一路傾偈份外有親切感。本來只係覺得搭單多一碗湯。火候十足黃瓜夠淋，好有屋企媽媽嘅味道。最衰面皮唔夠厚，如果唔係問佢可唔可以飲多碗。加多杯鹹檸七，打邊爐點會唔飲凍嘢，飲番杯鹹檸七勁爽。食完個雞煲，我哋叫多個煲仔飯，飯夠林，有料到有飯焦。凍凍地去食。成個人暖笠笠。