發哥粥底海鮮火鍋 (已結業)

冇谂过原来餐厅日夜都有分两间，咁岩系观塘，平时系观塘食过西餐，今次决定想打下边炉，所以就揾到呢间发哥粥底海鲜火锅店。一入到门口，侍应已经好热情咁招待，呢个值得加分。另外一嚟就会有两个小菜，都系开胃小菜，青瓜等。见到餐牌已经好吸引，所以我地两个人都叫左龙虾餐，另外仲会送啲鲍鱼贝类既海鲜！冇谂过二百几蚊都有咁多海鲜简。首先讲咗龙虾先，只龙虾都长过我嘅手掌，重点系好多膏，肉都好多。我哋问咗职员应该要整几多分钟，一咬落口好清甜，呢个价钱真系超值！下次可能会试吓第二个餐。另外仲送咗四只熟嘅青口同埋炖汤，真系好少同火㶽有炖汤饮！仲要个炖汤好多材料，扺赞！另外仲有鲍鱼，洗得好干净，卫生方面值得加分，可以俾大家睇吓，连贵妃蚌都大只，重点系冇沙！另外鱼类都仲有多宝鱼同鲩骨腩，份量虽然唔算多，但系个人认为两个人啱啱好，因为仲有其他𩠌，推介安格斯牛肉，油脂分泌岩岩好，食落好香牛味。另外仲有八款配料任拣，我就拣左几款，当中比较推介嘅系自制墨鱼丸，食落好爽口，因为试过出边嘅火锅店都系话自家制，其实同出边工厂制嘅冇分别。最后重头戏，就系佢嘅粥底火锅，加咗南瓜同菜甫，蒸海鲜嘅汁跌晒落佢个汤底，越食越入味！呢间铺头嘅