意味 (已結業)

之前食过一次, 印象几好, 所以就带屋企人黎试试啦~4个人叫左4个餐, 每个餐都加$5 配西兰花忌廉汤同脆皮餐包。再加$10要左个凯撒沙律。我好钟意食凯撒沙律, d 有机菜出面买都唔平呀, 呢到加$10 就一大碗, d 汁好味, 有好香芝士粉味, 有d 面饱粒捞埋黎食, 好味~西兰花忌廉汤好好味, 绿绿地色, 唔杰, 比起白汤特别得多。佢地d脆皮餐包话系handmade既, 但我觉得好似硬左d~而main course 有蕃茄天使面, 肉眼扒, 椰汁鸡肉配香饭, 另外叫左个special set, 羊脾配大虾。蕃茄天使面最普通, 唔特别, $28, 最抵食~椰汁鸡肉配香饭, 睇落似白汁鸡皇饭, 食落好香椰汁味, d 鸡唔"鞋"口, 同埋d饭质唔同平时食个d, 似日本珍珠米咁, 好好咬, d汁食完唔觉腻～ｇｄ！肉眼扒, 大大块, d肉好嫩，唔痴牙，配上薯角，同杂菜！ｓｐｅｃｉａｌ　ｓｅｔ,　羊脾配大虾,最贵但最唔抵食, 个样就几好, 但羊脾食落似煲完汤既瘦肉, 无咩羊味, 大虾就烧得几好, 配上薯蓉, 多谢$108, 好唔抵食!最后每个餐配上餐饮~~埋单4人$264钟意佢d 环境, 好坐