新香園 (堅記)

营业中

休息中

落雨嘅日子真系零舍麻烦。。。第一次黎食，都预左要等一阵，只系冇谂过要担住把遮呆等。。。等紧嘅时候，一眼睇哂里面，唔算大，大家都要搭枱。但都算快，等左15分钟左右，就入得。。。都几多野拣，而且可能系喺深水埗，价钱都系比较平民价。呢度最出名系蛋牛治，黎到梗系要试下啦~~见到好多人坐低都系即刻嗌蛋牛治烘底。。。(搞到好似得一款野食咁)但本人比较麻烦，蛋牛治仲要烘底走油，好彩落单姐姐都好似习惯左咁。。。等左一阵，终于有得食，热辣辣，第一时间拎上手嘅我，都要即刻放番低，过左一阵，先敢再拎黎食。第一啖咬落去，真系觉得超好食!脆卜卜嘅面包，加上热辣辣嘅蛋+牛肉，每一啖都有啲汁慢慢流出黎，真系超正呀!一件蛋牛治边够喉，听闻呢度嘅猪润面都几正，一于食埋佢~见到个汤，感觉好清淡。。。果然，食落觉得好似系将啲猪润同啲面分开左煮，然后再放上面，成个面都冇索到猪润嘅味道，好似只系食紧一碗冇味精嘅大光面。而且猪润煮得唔够淋，叫做紧紧熟，唔起沙。个汤底熬得唔够，一啲猪润味都冇，就好似清汤一样。。。 另外，我仲叫左杯滚水蛋，听人讲饮滚水蛋最好落少少糖，咁样味道唔会咁淡，但我又冇呢个习惯，但我饮呢杯又几正㖞! 又够热，