水記

营业中

休息中

朋友说这里牛杂好食，但系开档时间非常短，一直冇机会来食，今日终于专程过嚟食。老实讲，环境非常之差，比起其他大排档都差，一边食都唔敢周围望，免得睇到唔想睇到嘅嘢，又一边谂佢哋准备都系响呢度做，衞生环境真系不敢想像。讲完环境，讲食物，叫咗个沙瓜河，味道算不错，但亦唔系我食过最好食嘅，但味精超劲，未行到皇后大道中已经口干，好口渴，行到电车路，觉得心跳，我平时都食得下味精都未试过咁大反应。价钱方面，近六十蚊一碗大排档河粉，有人觉得平，有人觉得贵，我觉得性价比唔高。服务态度，成家大细十几人企晒系度，但系都冇乜人睬你，可能个个都系老板，唔洗招呼啲客。总结：无下次。