千賀水產 (已結業)

为左同朋友聚下，决定提早食个圣诞大餐先今晚选择了位于元朗既千贺水产任饮任食放题！准时七点去到，有两小时任饮任食，一坐低店员就帮我地开炉，然后送上一盘海鲜，份量跟人头而定，有鲍鱼、海虾、扇贝、蛏子等等可能店员一开始见到我鸡手鸭脚唔识剪开海鲜，佢地会主动过黎帮手烧，呢点值得赞下！一开始都觉得以咁既价钱食到咁多海鲜都唔会有过高既期望，但相反海鲜都新鲜，用清酒去烧出鲜味，咁多样海鲜我觉得鲍鱼最正，口感爽又有鲜味！食完海鲜盘我地就写纸追加其他食物，鱼生寿司、天妇罗、串烧、佐酒小食咩都有，什至部份海鲜都可以追加！最值得推介系佢既炸物，有炸芝士年糕同炸紫芋薯波，呢两样好好食！另外海鲜我地仲追加左鱿鱼筒，都系好鲜甜。饮品选择多，值得一提既系佢有一个暖柜放纸包饮品，岩晒唔饮冻野既我，呢个行为好贴心食左个半小时虽然好饱但都仲有甜品要食！一入门口个阵已经发现佢有个甜品柜同雪条柜，雪条柜既款式多到以为自己去左超市个雪柜咁，有十多款既雪糕雪条任拣，甜品柜就有布丁、啫喱、冰糖燕窝等等。下次一定再去帮衬呀！