綠色素食份子 (已結業)

上个月试过『无肉食』嘅素食buffet后，经过见到间『素食分子』一样都系$68任食，不另收加一，食足90分钟，所以今次就同朋友和妈咪，三人一早11点15分就去到『素食分子』排定队，点知一去到就见到门口已经有好多人排队啦。11:30准时开门，原来大家都系一入去就自己揾位，而我哋入到去就得返六人枱，三人就打横一排坐，同唔识嘅人同一张枱食饭，已经好耐都无试过啦，不过好明显食素嘅人都好有善，所以同枱食饭都有倾有讲，感觉都好舒服。食物嘅选择一开始唔算多，当食饱后，才知道原来会再出新菜式，味道唔错，不过糖水就太甜，中菜款式比我预期中少，而饮品除咗热水及茶之外，仲有冻豆浆、热花茶及冻柚子茶，$68任食点都系超值抵食，地点对于住港岛东区嘅朋友嚟讲，都算方便，可以坐65号小巴到堡垒街总站一落车就到门口，如果搭地铁就系炮台山站行过去比较方便，北角站都可以，不过就行多少少。至于职员方面，店内有位女侍应笑容及态度都好值得赞赏，反而有个似经理负责收银嘅高瘦女士就只会对熟客有笑容，生客就比较冷漠。总括：一开始唔好攞太大分量，慢慢食，就可以试到多啲唔同嘅菜式，万一去到无位嘅话，都可以行过去附近间『无肉食』，我觉得两