麻辣Doi (已結業)

放半日假，突然想一个舒舒服服，悠悠闲闲地食个简便既lunch享受一下Me Time，路经元朗鸡地个边，见到呢间新开既麻辣店，一于入去食个lunch，睇下味道如何先。店舖细细，但内里装修简约之余，睇得出系有用心设计，墙上有不同的面谱，仲有一些中式茶杯，环境感觉舒服。 个Lunch Menu都真系几抵食，平均价钱都系大约$40蚊至60蚊左右，而且都几多选择，今次我就食冒菜，当中的5款𩠌，我就拣左莴荀片、金针菇、莲藕片、鱼腐同肥肠。辣方面，由于唔算系好食得辣之人，所以我都拣番个小辣，因为怕太辣会食得辛苦。 冒菜 - 恰如其份，饮第一啖汤已经觉得好啱口味，惹味之余又唔会太抢喉，小辣绝对适合我这类钟意食辣，但又唔系咁食得辣既人。莴苟片同莲藕片都好爽口，金针菇、牛柏叶同肥肠都有水准，绝对唔系hea做。尖椒皮蛋 - 皮蛋上铺满麻辣酱红椒和青椒，非常够味，但又唔算太辣，味道很好。见到店舖也有做晚巿，有烤鱼、水煮鱼等等，下次真系可以孖埋d Friend再黎过。