御鐵

营业中

休息中

听同事介绍呢间高质铁板烧，地点仲好方便，一出铜锣湾地铁站过对面马路幢大厦就系，餐厅全部都系bar台位，可以一边食一边睇住厨师烹调，铁板烧既好处就系师傅会按你既进食速度而调节每一道菜既时间，食完一道先上另一道，咁样每道菜都可以保持新鲜滚热辣。OTETSU Dinner A $788季节沙律沙律有沙律菜、蕃茄仔、露荀、同埋虾，酱汁仲有三种选择，我拣左芥末醋，芥末好香，又唔会呛鼻，酸酸辣辣咁好惹味。蛏子皇配香草牛油野菌苏格兰既蛏子，好大只，食落好鲜甜，配菜有露旬同埋食用花。香煎法国鸭肝配无花果意大利黑醋法国鸭肝，好厚身，外皮煎到微㶶，咬落质感软熟，下面仲垫左块青苹果，可以吸左鸭肝既油腻感，酱汁系无花果意大利黑醋汁，澳洲牛柳粒配香煎野菜牛柳粒牛味香浓，食落有口感，肉汁丰富。昆布鲣鱼清汤个汤饮落真系好清甜，配料有北寄贝，什菇。三文鱼籽海鲜炒饭炒饭粒粒分明，有好多三文鱼籽铺系D饭上面。黑糖雪糕雪糕有好多款味拣，黑糖好特别，好香。