影片
更多
2010-06-05
164 浏览
其实之前我生日已经想黎呢度，可惜果日落雨冇黎到，咁岩女友今日放假，朝早起身见天气超好，于是决定去昂平360跟住再入愉景湾食饭。Book 咗枱1900，可能星期二人唔多啦，1900入到去坐低映下相，再睇下个Wine List，居然发现有NZ既Scared Hill Sau Blanc，仲可以一杯杯叫，即刻叫咗杯黎饮，女友就叫咗杯Cosmopolitan，再慢慢睇下个Menu，都仲未有人催你落单，唔错唔错～Order 完都成1945，个Starter上果时岩岩放烟花，食住睇又真系唔错～环境：我地坐外面，果日唔太热有D风几舒服。不过本人认为有少少暗得滞，有时连自己食紧乜都睇唔到，好似浪费咗个卖相，如果再光返少少可能会好D。坐得外面可能会有昆虫我谂唔驶我提醒大家啦。服务：有个老细既物体好热情咁招呼我哋，但咁大既地方真系唔系好够人，有时要周围揾人，等一阵先见到有Waiter出现，D Waiter既服务态度都OK，未去到话热情，不过都有做足要做既，冇其他食评写得咁差㖞，可能我果日闲日冇咁忙挂。食物：饮料Scared Hill Sauvignon Blanc (New Zealand) (HK$70
Book 咗枱1900，可能星期二人唔多啦，1900入到去坐低映下相，再睇下个Wine List，居然发现有NZ既Scared Hill Sau Blanc，仲可以一杯杯叫，即刻叫咗杯黎饮，女友就叫咗杯Cosmopolitan，再慢慢睇下个Menu，都仲未有人催你落单，唔错唔错～
Order 完都成1945，个Starter上果时岩岩放烟花，食住睇又真系唔错～
环境：
我地坐外面，果日唔太热有D风几舒服。不过本人认为有少少暗得滞，有时连自己食紧乜都睇唔到，好似浪费咗个卖相，如果再光返少少可能会好D。坐得外面可能会有昆虫我谂唔驶我提醒大家啦。
服务：
有个老细既物体好热情咁招呼我哋，但咁大既地方真系唔系好够人，有时要周围揾人，等一阵先见到有Waiter出现，D Waiter既服务态度都OK，未去到话热情，不过都有做足要做既，冇其他食评写得咁差㖞，可能我果日闲日冇咁忙挂。
食物：
饮料
Scared Hill Sauvignon Blanc (New Zealand) (HK$70 / Glass)
呢只酒好香，以前都会买返屋企饮。
Cosmopolitan (HK$60)
女友话略甜，可以唔驶咁甜。
前菜
New Zealand Mussels in Alio-Olio Pepper Sauce (HK$95)
D青口好似一早煮熟咗，跟住再放返落去煮二下就上碟咁。D青口完全唔入未，老老实实，我系屋企煮都好食过佢。不过个汁几好味。
主菜
Beef Tenderloin (Medium Cooked) (HK$195)
虽然唔系好靓好高质果Ｄ牛扒，牛味不算太浓郁，但收你200蚊你想要乜Grade?虽然牛扒一般，但个厨师真系煮得好好味，块扒超级Juicy同好香，非常好味！我极力推介！
Chicken Fajitas (HK$120)
D鸡肉炒得好嫩好入味，我当初仲谂住会好孩口添，真系有D惊喜，同埋好少见到有得食。
甜品
Chocolate Pudding (HK$55)
朱古力味好香渨，口感好滑。个心一界开D朱古力热辣辣咁流出黎，再混埋D冷冰冰既云呢拿雪糕，超正。
整体：
其实以呢个价钱，个环境、食物质素和服务黎比，我觉得都真系叫做几平啦，起码我比得开心先，我相信我有时间会再黎。
张贴
