新泰東南亞餐廳 (馬鞍山廣場)

营业中

休息中

马鞍山新泰东南亚餐厅，之前都有食过呢间餐厅嘅其他分店，尖沙咀分店梗系排队排到不得了，估唔到马鞍山分店都唔弱， 7:00去到餐厅，门口都有几多人等紧。我同朋友仔叫咗南瓜海鲜饭、马拉盏通菜、芒果软壳蟹咪纸卷、烧完条鱿鱼筒、炒蚬同芒果糯米饭。米纸卷基本上系东南亚美食代表之一，软壳蟹同芒果嘅搭配简直系一绝，好好味，同朋友仔都赞不绝口。鱿鱼筒虽然烧过，但系调味比较淡口，要靠酱汁提味。马拉盏炒通菜，又系东南亚代表食物，惹味。炒蚬酱汁甜甜地，好味，不过份量就唔算多。南瓜海鲜饭，卖相一流，感觉上相对健康，而且味道都好唔错，推介！食东南亚菜式，最尾一定要食芒果糯米饭，呢度嘅芒果糯米饭热辣辣，更加滋味。整体来讲，呢餐饭食得好满足，会再回头。