巨一麵堂 (已結業)

最近夜晚放工行过，见到呢间餐厅都几多人食，所以今日放假决定试下。一入到去餐厅感觉好日本，先有侍应小姐礼貌欢迎，再有BAR台形式包围住厨房嘅座位，食客可以清楚见到厨师准备嘢食。呢度落ORDER方法好环保，我都系第一次咁落ORDER。餐牌系透明胶入面，而落ORDER就用白板笔系透明胶上写，写错就自己改，好此细个玩白板咁都几好玩。哈哈哈哈我自己叫左个特制酱油拉面同盐烧牛舌，先讲特制酱油拉面，粒鸡蛋大大粒，蛋黄半生熟，碗面黎到望住啲蛋黄好似要流出黎咁，好开心咖！个叉烧比出面食嘅较厚，大大块，好滑唔肥腻。侍应小姐介绍话叉烧系日本师傅为配合香港人食法特登厚切，每日新鲜准备，猪肉亦系师傅每日自己亲自去市场买。听到之后立刻望向系厨房里面切紧嘢嘅师傅微笑左下，真系好佩服佢地份坚持！盐烧牛舌系呢度嘅招牌菜，一定要试！烧牛舌未放到我面前已经闻到好香，连埋块干蒜头食仲香！最惊喜系牛舌又系超厚切，好软林林，入口即溶。似系师傅于先腌制过，另外每块牛舌隔左片柠檬，真系好鬼细心，无得顶！呢几块牛舌分量都唔细，建议SHARE食。