新漢記飯店

营业中

休息中

尋晚補祝老豆生日，佢鍾意食小菜，所以就去粉嶺聯和墟搵到呢間新漢記同佢慶祝！入到去坐左一張好闊落既檯，侍應全程招呼好同到，讚！講返野食先，我地先叫左碟河蝦炒時蔬，就係用魚湯浸菜芯加上一Ｄ蝦仔，好清新又健康！然後黎個招牌梅菜扣新鮮豬肉，每件扣肉既肥瘦比例剛剛好，入口即溶，濃厚既梅菜味滲晒入扣肉度，正！我地又叫左個香煎墨魚餅，好大碟，每件都份量十足！至於呢碟茄子炆豆腐，都係非常清新，豆腐甜甜地好滑！最後呢碟黃酒煮雞真係一試難忘，黃酒獨特既甜味滲入每件雞入面，非常可口！不得不提呢度除左普通既絲苗白飯外，仲有砵仔飯食，撈少少豬油同豉油就好好食！