新漢記飯店

营业中

休息中

寻晚补祝老豆生日，佢钟意食小菜，所以就去粉岭联和墟揾到呢间新汉记同佢庆祝！入到去坐左一张好阔落既台，侍应全程招呼好同到，赞！讲返野食先，我地先叫左碟河虾炒时蔬，就系用鱼汤浸菜芯加上一Ｄ虾仔，好清新又健康！然后黎个招牌梅菜扣新鲜猪肉，每件扣肉既肥瘦比例刚刚好，入口即溶，浓厚既梅菜味渗晒入扣肉度，正！我地又叫左个香煎墨鱼饼，好大碟，每件都份量十足！至于呢碟茄子炆豆腐，都系非常清新，豆腐甜甜地好滑！最后呢碟黄酒煮鸡真系一试难忘，黄酒独特既甜味渗入每件鸡入面，非常可口！不得不提呢度除左普通既丝苗白饭外，仲有砵仔饭食，捞少少猪油同豉油就好好食！