東京天井食堂

营业中

休息中

呢间系一间有温度嘅小店。六点几去到，餐厅未开始忙碌，老板亲自招呼，帮我哋开咗outdoor位置嘅小木枱，轻轻交谈几句，小店就系有呢种人情味。餐厅系一个神秘嘅空间，完全感觉唔似喺尖沙咀嘅闹市！餐牌选择唔算多，我哋食咗鳗鱼饭、寿喜烧牛肉、鸡泡鱼干同埋明太子鸡翼。暗然销魂鳗鱼饭好正，口感软滑嘅鳗鱼配上浓味嘅鳗鱼汁，送饭一流😋 蛋汁同埋葱花亦令到味道更加丰富。另一个主菜系寿喜烧牛肉配咗猫饭，猫饭本身味道已经丰富，再捞少少牛肉汁真系好好食！寿喜烧牛肉份量好多，仲有好多菇菌配菜，推介啊👍🏻本身好想试佢哋嘅汉堡扒，可惜小店人手有限，依家一日只做十个，我哋去到嘅时候已经卖晒啰🥲小食亦都高质，明太子鸡翼味道咸香少少辣，鸡泡鱼干烤得干身，两个都系好好嘅送酒小食。今次时间有啲匆忙，无点甜品，下次再试下。