Our Little Dream (已結業)

好耐都冇食过西餐啦，今日难得放假，所以当然要去揾好嘢食啦！🤤去咗一个远离繁嚣嘅地方，入咗将军澳海旁，呢度环境好清幽！而且呢间餐厅嘅环境非常舒适！~~~~~~~~~~推介食物:西班牙烤乳猪成碟乳猪都冇骨㗎，好正！😆😆厨师已经预先去骨，所以更加方便进食！而且上面有菠萝，呢个菠萝系用咗牛油煎香，所以会有牛油嘅香味再加埋菠萝嘅甜味！酱汁方面用咗新鲜嘅苹果蓉，所以味道方面都系甜中带酸！另外仲加咗少少剥咗皮嘅红椒，有好香浓嘅红椒味，但系一啲都唔会辣！至于呢个乳猪系好中式嘅做法，外皮非常香脆！而且香脆得来有一种松软嘅感觉！好特别嘅口感！而且呢个猪肉好香好滑！配合晒所有配料一啖摆落口嘅感觉好爽！无论味道定系口感都好丰富！会有食到苹果同菠萝嘅甜味，然后就会有乳猪嘅肉汁，再加上后边有多少少红椒嘅香味！真系好有法国菜嘅感觉！估唔到一间小店都可以食到咁出色嘅食物！！绝对系值得推介！！