碗碗香 (已結業)

今日约左朋友行铜锣湾，一如平日都系咁人山人海，我同朋友去发掘美食。沿住利园后面恩平道行到加路连山道，原来呢头都几多野食，最后拣左呢间碗碗香。店面装修都算别致，都有几好多人食，特别系多青年人之后我选择困难症病发，侍应就主动推荐清汤牛肉粉，米粉系用贵州空运米粉，正宗整法粗、滑、有弹性、不糊汤。佢讲到好似好好味咁，搞到我都好想食，于是就叫左清汤牛肉粉由于第一次食，我又唔系好食得辣，就叫左唔辣。碗嘅大小同其他米线类餐厅差唔多，但系入面嘅材料就差好远啦～首先牛肉份量十足，有成十旧，比想像中多。咬落去多汁嫩滑，味道同调味几浓，都几够风味。贵州米粉口感有啲似刀削面，爽口弹牙，但中间唔会有粉嘅感觉。入口出奇地滑同弹牙，口感丰富，新奇但又不失美味。汤底入面有蒜蓉、葱花、芫茜等，汤底亦十分浓郁入面仲有自家制嘅酸菜，好味又醒胃，又浓又香，正！最后再叫左杯苦丁茶送面，茶味有少少苦，但之后回甘清凉感更为强烈，味道独特仲有健康功效，清热解毒。仲有好多款贵州粉可以拣，有辣有唔辣，好似我咁唔食得辣，叫清汤都系一个唔错嘅选择。