大吉居酒屋 (已結業)

系杂志见到有conpon平日$138一位,终于打去订位试试!一入到去已经都坐到七七八八啦,我地安排坐2人小台,立即落order,首先当然叫刺身:鲑,章红,甜虾,带子,剑鱼腩....份量黎到每次都十足,新鲜,要加分,炸软壳蟹卷,迷你吞拿鱼腩葱花手卷,鳗鱼芝士卷....要介绍下个芦荟沙律,好清新,有日本和风汁,好好味.烧物方面:盐烧秋刀鱼,盐烧三文鱼头,烧羊胺,串烧和牛牛肉,焗广岛生蚝,正呀.虾天妇罗有萝卜茸跟汁,正宗,炸鸡软骨太油,是次最唔好系滑蛋猪扒,个卖相好好完全比佢呃到,薄切猪厚粉炸,咬落去,其间有小小漏单,要追单佢地都有帮我地跟,眼见侍应都好忙,但算有求必应.总括黎讲,样样都好,我觉得净系食刺身都返本喇,哈哈哈~