錦麗 (世貿中心) (已結業)

喺铜锣湾反工，见有新店就想试！仲要话系自1970年于越南胡志明市开业，最高纪录于一天卖出越过3000碗！！门口有个牌教你食牛肉粉嘅正确方法！但食好嘢都要睇时间，下午4:30-5:30系close架！我4:25pm 行入去，待应同我讲而家要last order，有无问题？梗系无问题！多谢！当然要试嘅系招牌嘢，“锦丽综合粉”——有生牛肉、熟牛肉、牛丸，先饮啖汤，浓浓嘅牛味但清汤，九层塔、鸭舌草、芽菜、辣椒无限量供应。虽然啲生牛肉系渌熟咗，但晤会“鞋”而系好滑，啲牛丸超浓牛味 👍🏻，熟牛肉其实系牛坑腩，并晤系只得肉而系带啲筋，仲好好好冧！河粉系幼身个种，超滑真系好正，果然系招牌菜！食越南菜点可以错过小食？！炸手作虾饼同法式牛油鸡翼挣扎好耐，最后要咗鸡翼，4只每只鸡翼上面都放咗蒜蓉，好香蒜蓉但牛油味就晤多觉，系即叫即炸，但或者可以喺碟上面/炸完后，吸一吸啲油先再上碟，一夹起只鸡翼就见到好多油喺碟，感觉麻麻。同埋炸得晤算好香口同干身脆口，但都算系juicy嘅炸鸡翼。下次再试埋其他小食！其实个餐牌晤算真系好多选择，但就更加特出佢讲嘅，“专注制作，用心烹调每一碗牛肉粉”！！香港需要咁嘅餐厅！👍🏻👍🏻