宏 (已結業)

今日放工约左朋友去黄埔睇戏，入戏院前当然食晚饭先啦知我钟意绿茶甜品，佢带我来呢间食日本西餐我哋七点半嚟到人唔多，环境几好坐得好舒服，适合一班人倾吓计食饭睇完个Menu我地点左以下食物。最钟意食鱼嘅我今日点左鳗鱼饭，卖相已经攞满分💯值得一提嘅就系𠮶杯红茶，真系好香浓，果然有惊喜。而个乌冬同埋沙律都唔错鳗鱼真系好好味，啲饭系日本米煲嘅食落好有口感重点系个份量都唔细朋友叫咗个牛肉饭，份量都唔细，佢表示牛肉不会太肥，加埋啲肉汁真系冇得弹系咪见到已经流晒口水呢个set包左件蛋糕，我拣抹茶味，朋友拣芝麻味两款都好香浓，又不会太甜真系唔错嚟到呢度点可以唔试抹茶甜品呀呢款叫抹茶芭菲十级推介😎个绿茶雪糕劲重绿茶味，又不会好奶而下面就有绿茶啫喱同埋绿茶味嘅糯米糍，不会好甜，非常钟意。未食已经觉得好好味，卖相一百分士多啤梨pancake原来净系黄埔呢间分店先有的，点都要试吓啦。嚟到嘅时候好香，见到已经好吸引，不过pancake食落就觉得好甜，反而朋友就觉得好好味两个人埋单食咗五百几蚊，唔平不过耐不耐一次都OK嘅。总结: 今日食物嘅质素同用餐经验会令我再次帮衬