影片
更多
2019-05-04
789 浏览
之前饮汤𠮶个铺位开左间越式餐厅，寻晚即管去试下，估唔到又有啲惊喜呙！叫左碗鲜虾番茄汤檬，上菜好快，望落去已经好吸引——好足料！钟意饮汤既我第一啖紧系试下个汤底，好香，除左番茄味之外仲饮得出有虾味，可能落左虾头／虾膏去熬？而且真系有鲜番茄，正呀！同埋最重要系个汤够热，食晒碗檬粉再饮都唔会觉得冻左难入口，唔怪之得隔离枱两个食生牛河既男人可以饮到一滴不漏啦！除左汤底正之外，啲配料都唔马虎。两只虾好大只，啲肉系爽既，食得出好新鲜。 平时对扎肉无特别好感，但呢间既扎肉几得意呙，有软骨喺入面，又厚身，几有「赵头」。至于个檬粉，我觉得软硬啱啱好，唔会太稔，几好食。老公叫左个鸡串捞檬，店员上菜时会帮我地摇下个鱼露，提我地摇匀先加落去，好细心。老公觉得个捞檬可以落多d生菜丝、花生碎呀蒜片呀𠮶啲，捞起上来会色彩缤纷啲好味啲，我就觉得鱼露味道啱啱好，鸡串几 Juicy ，不过如果可以再多一串就更加抵食啦。本来谂住食炸墨鱼饼，点知老板话越南啲船期延误左未有货，咁唯有叫住虾饼先啦。虾饼同出面𠮶啲都有啲唔同，松化啲，食落都唔太油腻。饮品就叫左冻柑桔，几清新，酸酸甜甜咁，系柠水以外的最佳选择。间铺头装修普普通通，不
叫左碗鲜虾番茄汤檬，上菜好快，望落去已经好吸引——好足料！
钟意饮汤既我第一啖紧系试下个汤底，好香，除左番茄味之外仲饮得出有虾味，可能落左虾头／虾膏去熬？而且真系有鲜番茄，正呀！同埋最重要系个汤够热，食晒碗檬粉再饮都唔会觉得冻左难入口，唔怪之得隔离枱两个食生牛河既男人可以饮到一滴不漏啦！
除左汤底正之外，啲配料都唔马虎。两只虾好大只，啲肉系爽既，食得出好新鲜。 平时对扎肉无特别好感，但呢间既扎肉几得意呙，有软骨喺入面，又厚身，几有「赵头」。至于个檬粉，我觉得软硬啱啱好，唔会太稔，几好食。
老公叫左个鸡串捞檬，店员上菜时会帮我地摇下个鱼露，提我地摇匀先加落去，好细心。老公觉得个捞檬可以落多d生菜丝、花生碎呀蒜片呀𠮶啲，捞起上来会色彩缤纷啲好味啲，我就觉得鱼露味道啱啱好，鸡串几 Juicy ，不过如果可以再多一串就更加抵食啦。
本来谂住食炸墨鱼饼，点知老板话越南啲船期延误左未有货，咁唯有叫住虾饼先啦。虾饼同出面𠮶啲都有啲唔同，松化啲，食落都唔太油腻。
饮品就叫左冻柑桔，几清新，酸酸甜甜咁，系柠水以外的最佳选择。
间铺头装修普普通通，不过胜在够光猛够干净，同埋张櫈有椅背，坐得几舒服。
第一次写食评，系因为寻晚食完无口干。我对味精比较敏感，如果有味精嘅话食完会成日想饮水，饮劲多都仲会口渴，呢间小店个汤底无味精都可以咁好味，证明系真材实料！下次一定要试埋佢个生牛肉汤河先！之前间靓汤咁快做唔住，真系有啲可惜，今次帮呢间小店写篇食评，希望佢做得住，等我放工可以多一个选择啦！
鲜虾番茄汤檬
$62
70 浏览
0 赞好
0 留言
鸡串捞檬
$52
31 浏览
0 赞好
0 留言
炸虾饼
$48
25 浏览
0 赞好
0 留言
冻柑桔
$10
16 浏览
0 赞好
0 留言
张贴
