影片
更多
2018-12-07
148 浏览
土瓜湾嘅老友话屋企附近新开张一间上海菜馆，装修几骨子，日夜都几旺场，于是约埋班老友去试下。我哋一行6人，因入座时舖面已冇乜台剩，伙记请咗我哋入房，原来里面有间贵宾厅，放咗两张十人台，坐得舒服，雕花的餐具十分别致。凉菜叫咗四款；醉鸡、盐水鸭，均在水准之上，其中最正嘅系脆鳝，甜中带酸，酥脆可口。海蜇就切得粗幼均匀，弹牙爽口。酸辣汤好大盅，足料醒胃，虽然味道稍为偏甜，但不影响酸酸辣辣的感觉。小笼包皮薄，汁多馅鲜，好味。几款主菜，皆有惊喜。韮黄鳝糊用料比例适中，每箸皆含鳝鱼甜味及韮黄香气，配以香软的蒸炸银丝卷各一，相得益彰。 松子鱼炸得脆而不老，酸甜滋味配搭佳。最正嘅系樟茶鸭，原本话要预订，但伙记话因好卖所以每日都预多少少，我地点咗，果然正。只鸭皮脆肉嫩，樟茶味香，比起一流菜馆都绝不输蚀。主食点咗两样，上海粗炒够大碟，面条靭度适中，混埋比例均匀嘅肉丝椰菜同菇片食，口感十足。 五香牛𦟌面则香口，面汤清甜。押单尾嘅系羌茶芝麻汤圆，上台时已羌气逼人，最宜消滞。最后要一提serve我哋𠮶个哥哥仔，高大斯文，频频帮我地加水，啲水闻落又几香，原来系荞麦茶。佢话呢度晚上仲做埋日式宵夜串烧，所以铺面枱椅颜色红
我哋一行6人，因入座时舖面已冇乜台剩，伙记请咗我哋入房，原来里面有间贵宾厅，放咗两张十人台，坐得舒服，雕花的餐具十分别致。
凉菜叫咗四款；醉鸡、盐水鸭，均在水准之上，其中最正嘅系脆鳝，甜中带酸，酥脆可口。海蜇就切得粗幼均匀，弹牙爽口。
酸辣汤好大盅，足料醒胃，虽然味道稍为偏甜，但不影响酸酸辣辣的感觉。小笼包皮薄，汁多馅鲜，好味。
几款主菜，皆有惊喜。韮黄鳝糊用料比例适中，每箸皆含鳝鱼甜味及韮黄香气，配以香软的蒸炸银丝卷各一，相得益彰。 松子鱼炸得脆而不老，酸甜滋味配搭佳。最正嘅系樟茶鸭，原本话要预订，但伙记话因好卖所以每日都预多少少，我地点咗，果然正。只鸭皮脆肉嫩，樟茶味香，比起一流菜馆都绝不输蚀。
主食点咗两样，上海粗炒够大碟，面条靭度适中，混埋比例均匀嘅肉丝椰菜同菇片食，口感十足。 五香牛𦟌面则香口，面汤清甜。
押单尾嘅系羌茶芝麻汤圆，上台时已羌气逼人，最宜消滞。
最后要一提serve我哋𠮶个哥哥仔，高大斯文，频频帮我地加水，啲水闻落又几香，原来系荞麦茶。佢话呢度晚上仲做埋日式宵夜串烧，所以铺面枱椅颜色红黑相间，配搭有啲日式餐厅feel。
总结嚟讲，喺土瓜湾呢啲街坊地区竟然可以食到咁出色嘅上海菜，老友们都话要揾日再嚟过。
张贴