築間酸菜魚

营业中

休息中

女朋友话想食酸菜鱼，咁我梗系要识做上openrice揾间好嘢带佢去啦。今次我就选择左铜锣湾广场嘅呢间台湾过江龙「筑间酸菜鱼」，女朋友同我都非常满意。餐厅就喺地铁站旁边，非常方便。环境方面，呢度装修新净、型格，够晒光猛，而且座位宽敞，喺呢度用餐十分舒适。食物方面，呢度嘅选择颇多。除左唔同口味嘅酸菜鱼之外，更加有多款好吸引嘅台式小食。俾大家睇下个menu：当日我地两个人叫嘅食物系：总长酸菜鱼：滑溜嘅愉快摆喺香辣嘅汤底，配合埋独家秘方嘅酸菜，酸爽嘅口感真系一流！汤底嘅红薯粉吸收晒啲精华，非常惹味！啖啖剑虾滑：虽然加六十蚊好似有啲贵，但绝对系值嘅，因为食得出系手打嘅靓虾滑，啲虾肉好饱满弹牙，鲜味十足！浪子盐酥鸡：卖相吸引，食落去香脆可口，就好似喺台湾夜市食嘅一样！高雄甜不辣：外层炸到金黄松脆，同里面QQ嘅口感相映成趣，一试难忘。卤肉菜心：摆埋啲卤肉令菜心更入味，正！