火鳳凰火鍋料理 (已結業)

天氣開始有啲秋意，女朋友話想放工去打邊爐滋補下。見朋友之前喺IG po過呢間位於何文田嘅「火鳳凰」有得食椰子雞火鍋，就一於去試下！雖然餐廳位於何文田，但其實由旺角行過去非常接近。餐廳鋪面都幾大，裝修頗有特色，而且店員服務殷勤。呢度有唔同嘅火鍋套餐，亦都可以單點。由於我哋係為咗椰子雞而來，所以我地就選擇左呢個「豪華必選餐」（$698），再額外加少少其他野。以下係我地當晚order左嘅食物：椰子雞：店員一攞個煲上黎就已經覺得個湯好香椰子味，佢更加喺我哋面前將個新鮮椰子倒入湯底！啲雞肉好有雞味，而且雞肉唔會鞋，半隻嘅份量啱啱好。加拿大象拔蚌：賣相非常吸引，而且好鮮甜爽口。由於係新鮮刺身級象拔蚌嘅關係，所以可以作為刺身，亦都可以當火鍋料食！安格斯牛頸脊：呢碟牛嘅份量比我想像中大，每人都有好多塊，而且牛味十足，食得出係好新鮮嘅！魚皮餃：每一粒魚皮餃都好飽滿，唔係平貨！蔬菜拼盤：好大盤，而且啲菜好新鮮。總結：呢間火鍋店用料新鮮，店員服務態度很好，值得再來。