莫云

营业中

休息中

话说唔讲唔知，奥运海傍附近原来有间叫The Olympian嘅酒店入面有一间装修典雅，味道都唔错嘅中式宴会厅。点解会话佢系宴会厅呢？因为佢有好多特大嘅VIP房私隐度极高，啱晒见客或者家庭聚会一大班人食饭。今次系屋企人生日指名要黎呢度试试。当晚叫左藕饼、生炒骨、招牌炸子鸡、蒸（唔知咩斑）、同一道用龙虾🦞鲜拆出嚟造成嘅蒸蛋，龙虾肉上面仲放左鱼子酱。整体嚟讲水准十分之高，藕饼煎得香脆之余，亦都唔会太油腻。炸子鸡个皮脆到冻咗都仲系脆嘅。生炒骨一样系香脆可口。最值得推荐就系龙虾，啲蒸蛋用黎捞饭100分👍🏻可惜嘅系价钱就算中上一啲，毕竟咁样嘅装修咁样嘅配套喺香港真系唔易揾到，如果你都想揾高质素又唔会食到赶头赶命嘅餐厅不妨过嚟试一试。