金滿膳燒味餐室 (已結業)

又到食饭时间，返工冇饭带，每日谂午饭食咩好到系一个难题呢架！唔想谂咁多，一于就去饭堂搞掂佢就算，但叫得饭堂，当然要有返咁上下水准先入到饭堂名单啦！要好味，够饱，抵食，快，呢4个条件。金满膳就系其中一间，餐厅系今年6月份先开的，位于牛头角仁安大厦地下。午饭时间得一个钟，过嚟食完再返公司都唔多时，所以我同事都系叫碟头饭食。鸡扒蛋饭 $50，大大碟白饭，配块鸡扒，加只㶶边半生熟太阳蛋捞豉油，好味😋又饱肚，加埋杯提神冻奶茶。招牌脆皮烧腩仔饭 $48烧腩仔皮脆肉嫩，肥瘦分别，一层肥一层瘦，松软脆口2种口感回味无穷，白饭捞埋鼓油，味道丰富，加杯消滞冻柠茶。