力天冰室

营业中

休息中

去完九龙中央图书馆借书，见到对面有间力天冰室，一于去试吓先。冰室环境都几大，座位舒适，店员服务也不错。❤️不论中式、西式，食物种类真系好多好多。⭐️必食常餐-招牌沙茶公仔面、烟腩片炒滑蛋、香草蒜香牛油多士，香浓惹味的沙茶酱，加上柔嫰多汁的牛肉，好味😋，平时出面茶餐厅只有炒蛋或者火腿炒蛋，第一次食到烟腩片炒滑蛋，烟腩片令口感更丰富，最令人喜出望外就系块多士，香草加埋蒜香，酥香惹味👍🏻⭐️招牌黑椒牛柳配焗薯（黑椒汁）叫左七成熟，牛柳肉质好软腍，毫不嚡口，牛柳同黑椒汁系绝配！而且配搭咗好多蔬菜同焗薯，既健康又好味。⭐️星洲炒米，黄姜粉味很浓， 配上了蛋花、叉烧碎条、火腿丝、青椒烧、红椒丝等，配合幼细嘅米粉，非常之惹味！⭐️铁板餐有餐饮同餐汤，中汤不错，而柠蜜茶的茶味浓郁。