影片
港铁旺角东站 C 出口, 步行约11分钟
继续阅读
电话号码
96923989
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
今晚想食啲中式小菜，行過見到呢間冰室啲價錢好似幾抵食，就一於入去試下。鳳梨咕嚕肉 $80份量都幾多，炸到個皮好脆口，配上酸酸甜甜嘅醬，再加上好多菠蘿，好夾好食。魚湯海鮮粉絲雜菜煲 $86估唔到好足料，好多海鮮，有蝦、帶子、青口、魷魚，仲有三款菜，西蘭花，菜心，白菜，呢個真係好抵食。跟餐包左一碗白飯同一碗湯，估唔到佢的中湯幾足料。餐飲我哋加左每杯$12要特飲懷舊紅豆冰，幾多紅豆，紅豆又淋又入味。青檸菠蘿賓治，酸酸甜甜幾開胃。香脆奶油豬 $32烘得夠脆身，加埋煉奶同牛油，呢啲配搭一定冇得輸。
继续阅读
今日同朋友去旺角睇戲行街做運動，跟住同朋友去享受吃晚餐，我朋友提議我去力天冰室吃，佢話力天冰室嘅晚餐係有好多嘅選擇，間冰室位於何文田窩打老道73號地下D舖，港鐵旺角東站C2出口，行十分鐘就到。冰室內環境寬敞舒適，地方整潔光猛，枱凳擺設整齊，尤其是卡位令人坐得舒服，店員有禮貌服務態度好，來這裏食真不錯。冰室餐牌食物款式選擇好多，有早餐、午餐、晚餐、常餐、開心下午茶、小食類、特色小食、三文治/多士、湯麵類、中式小菜、中式炒粉麵、經典鐵板、西式燴飯、飲品、特飲，真係令人口感豐富，尤其是中式小菜係好抵食，有成37個中式小菜選擇，奉送埋白飯及中湯或紅湯，加少少錢可以叫埋飲品，而小菜嘅價錢又唔貴，我朋友就選咗（5）麻辣尖椒炒鹹肉，仲揀咗紅湯即係羅宋湯和懷舊紅豆冰特飲，我再睇清楚原來晚餐亦都好抵食，有西式嘅食品，我就叫咗（F)T骨牛扒拼吉列蝦配牛肝菌汁，配埋意粉同冬瓜豬骨湯，加幾蚊叫埋杯鹹檸七特飲，再叫埋小食嘅酥炸香脆大雞翼來食。這間餐廳來湯餸飯飲品都唔慢，先來羅宋湯同冬瓜豬骨湯，羅宋湯是個紅色靚湯好飲，非常足料，好惹味，湯唔辣反而有少少甜味，飲落令人開胃，而冬瓜豬骨湯是靚中式湯，材料豐富，冬瓜香甜，又有好香嘅豬骨味，令口感滿足，跟住來了碗大白飯，賣相都唔錯，白淨有飯味，真係一定夠飽，飲品亦都跟住來，懷舊紅豆冰嘅紅豆份量多，大大粒的紅豆，啖啖的紅豆香味，加上順滑濃郁的淡奶香，好有經典香甜口味。而咸檸七是七喜汽水加上鹹檸檬，而鹹檸檬是以鹽巴醃製的青檸檬，飲起來甜甜酸酸中帶一點鹹味，非常特別好飲，好配合來食晚飯。麻辣尖椒炒鹹肉係最好吃嘅家常菜，尖椒鮮香，鹹肉片滑嫩，尖椒和鹹肉堪稱絕配，肥而不膩，軟糯香甜，味辣汁香，色香味俱全，尖椒吸收了鹹肉的油脂，變得更清爽更香甜，鹹肉帶著淡淡的辣味，香濃可口，好配合同白飯食。而T骨牛扒拼吉列蝦配牛肝菌汁及意粉嘅份量都不少，塊T骨牛扒都好大嚿，肉質鮮嫩，好香牛肉味，上枱時已經聞到好香嘅牛肝菌汁味，配合T骨牛扒食一流，非常惹味，吉列蝦有兩隻炸得好香脆，食落口時仲熱辣辣，而意粉爽滑可口，配埋蕃茄一齊食好清香，樣樣都好味好食。小食嘅酥炸香脆大雞翼真係好大隻，亦都炸得好香脆，又唔油膩，外皮鬆脆，雞肉好滑好滋味，令到口感脆爽滑，好正。這間力天冰室好值得推薦大家嚟食，令人食得好滋味，又好抵食，價錢一啲都唔貴，仲有好多食物嘅選擇，真係平靚正嘅茶餐廳，亦都很多茶餐廳也沒法做到這個質素，難怪這裡一直有很多客人來幫襯。
继续阅读
力天冰室，位置在中央圖書館對面，餐牌選擇多樣化，有常餐、焗類、西式燴飯、自選麵餐、經典鐵板餐、招牌馬來西亞咖啡、中式炒粉麵、中式小菜、力天菠蘿油等，價錢親民。三文魚凱撒沙律：三文魚捲到成朵花咁，賣相吸引，煙燻味道突出，鹹中帶香，配上爽脆既沙律菜、炸得香口既麵包粒、香濃芝士，配餐廳調製既沙律醬，清新美味，簡單又飽足。公司三文治配辣味薯角：用煎蛋、火腿、蔬菜、吞拿魚、午餐肉和蕃茄等食材製作而成，配上炸到金黃色既辣味薯角，招牌菜式之一。涼瓜脆魚柳飯：魚柳炸得香脆，涼瓜清爽，調味適中，送飯一流。喇沙肥牛稻庭烏冬：肥牛份量十足，湯底帶椰奶香氣，配料有芽菜、紅椒、豆卜，稻庭烏冬爽口，超級好吃。總結，食物美味有水準，出菜速度快，服務員態度認真，值得推薦。
继续阅读
首先上場的是美式黑椒汁雜扒鐵板餐配意粉。鐵板上擺放著切件整齊的牛肉、雞肉和時蔬,澆上濃郁醇厚的黑椒汁,散發着誘人的香氣。牛肉鮮嫩多汁,雞肉亦保持原汁原味,配搭清脆的時蔬,口感豐富,與黑椒汁完美融合。伴碟的意粉煮至適中,吸收了鐵板上的精華,格外鮮美可口。其次是雪菜肉絲炆米。雪菜入味,帶有適度的鹹香,肉絲軟嫩多汁,與米粉恰到好處地結合在一起,口感爽滑。最後的主角是鮮牛油菠蘿包。麵包外層金黃酥脆,內裡蓬鬆柔軟,配上絕妙的牛油香氣。咬下去後,麵包與牛油的味道立即在口中化開,回甜的菠蘿則為整個口感增添了清新感。這樣既富層次,又不失清新的組合實在叫人難忘。呢間位於何文田嘅力天冰室好值得一試呢！地點都好便利架！
继续阅读
經常喺附近做嘢，成日都想去試下力天，今日又心思思想食港式冰室，終於嚟咗試魚湯粉絲海鮮雜菜煲($86) - 好足料好大煲，蝦、魷魚、蝦米、帶子、青口、粉絲、唔同嘅蔬菜都有齊，湯底清甜蔥燒牛仔骨($88) - 調味好好，啖啖肉好滋味，牛仔骨軟腍，洋蔥同三色椒都好入味，跟餐白飯粒粒分明龍鳳檸樂、奶茶紅豆冰(跟餐各加$12） - 奶茶底香醇，同紅豆好夾，檸樂係檸底上，仲有得揀zero特厚花生醬西多士($40) - 大大份勁邪惡，中間搽咗滿滿同厚厚嘅花生醬，味道濃郁，蛋香又出，勁滿足力天應該係街坊熱捧嘅冰室，未夠7點就坐滿人，食完一輪第二輪好快又滿座選擇好多，港式常餐、小菜、鐵板、焗飯同意粉、三文治、炒粉麵飯、港式飲品等等應有盡快，的確係間唔錯嘅餐廳
继续阅读