源都冰室

营业中

休息中

今朝又系食沙嗲牛面。从未试过连续三天吃同一样早餐，今次例外皆因有食友推荐呢度有最好的沙嗲牛面，专程到访。高山道平时都好少人，朝早就更加冷清，入到嚟只得我一个客，除咗老细外仲有一个水吧厨房一脚踢嘅大厨。原来无套餐供应全部散叫，食咗沙嗲牛旦面（$18）同奶茶（$10）。旦系即煎，热辣辣条边仲脆，沙嗲味浓带少少辣，呢个沙嗲汁与一般嘅好唔同，好香唔会有异味，可能系老细秘制酱汁，最有惊喜系用新鲜牛肉好有肉味，而杯奶茶就好重茶味亦算滑，系水准之作。虽然唔敢讲系唔系全港最好食，但系以最近几餐沙嗲牛嚟讲，呢餐最满意，恐怕好难再揾到咁好食嘅沙嗲牛面，好此味者好应该嚟试吓。